Olim

NISHANOVA ZAMIRA TASKARAYEVNA

Psixologiya fanlari doktori, professor

Zamira Nishanova 1961-yil 14- dekabrda Toshkent viloyati Zangiota  tumani  Nazarbek qishlog‘ida xizmatchi oilasida  dunyoga kelgan. 1978-yilda o‘rta maktabni oltin medal bilan tugatgan. 1978-1984-yillarda Toshkent davlat universiteti ( O‘zMU) falsafa iqtisod fakulteti psixologiya bo‘limini  imtiyozli diplom bilan tugatgan.



Nizomiy nomidagi Toshkent davlat pedagogika universitetida 1990-yildan 1991- yilgacha “Umumiy psixologiya” kafedrasi  qoshida  tashkil etilgan “Maktabda psixologik xizmatni tashkil etish” nomli ilmiy laboratoriyada  kichik ilmiy xodim sifadida o’z  faoliyatini boshlagan. Z.Nishanova 1991-1993- yillarda maqsadli  aspiranturada tahsil olgan va  muddatidan ilgari 1993-yilda  “Yuqori sinf o‘quvchilarining aqliy  faoliyat usullari va yo‘llarini egallash” mavzusida professor M.G.Davletshin   ilmiy maslahatchiligida nomzodlik dissertatsiyasini muddatidan ilgari himoya qilgan. 1993-2000-yillarda “Umumiy psixologiya” kafedrasi   o‘qituvchi lavozimida  faoliyat yuritgan. U 2000-yilda dotsent ilmiy unvonini olgan.  1999-2002-yillarda TDPUda doktoranturada tahsil olgan.  Z.Nishanova 2005-yilda “Mustaqil ijodiy fikrlashning psixologik asoslari” mavzusida 19.00.07- yosh va pedagogik psixologiya ixtisosligidan psixologiya fanlari doktori  ilmiy darajasini olgan. 2008-yilda  professor ilmiy unvoniga ega  bo’lgan.



2003-2005-yillarda “Psixologiya” kafedrasi, 2008-2010-yillarda “Umumiy psixologiya” kafedrasi   mudiri vazifasini bajaruvchi  lavozimida  faoliyat  yuritgan. 2008-yildan  hozirgi  kungacha TDPUda  professor  lavozimida  faoliyat  yuritmoqda.  



Z.Nishanova  respublikaning turli oliy o‘quv yurtlarida   ilmiy salohiyatni oshirishga o‘zining  munosib  hissasinini  qo’shmoqda. Hozirda  21 nafar fan nomzodi,  PhD lar    va  bir nafar  fan doktori Z.Nishanova  rahbarligida ilmiy ishlarini himoya qilishgan. 10 dan ortiq  shogirdlari PhD va DcS   dissertatsiyalari ustida  zamonaviy psixologiyaning  dolzarb mavzulari bo‘yicha ilmiy izlanishlar olib borishmoqda.



Z.Nishanova ilmiy darajalar beruvchi  UzMU, TDPU, BuxDUdagi  ilmiy Kengashlarda a’zo.



Z.Nishanova yigirmadan ortiq monografiya, o’quv  qo’llanma va darsliklar muallifi, ulardan  uch nafari “Yilning eng yaxshi  o’quv adabiyoti” respublika tanlovida 2008-yilda  Psixologik xizmat. -T.: Yangiyo’l poligraf servis. 2006. Vazirlik grifi.: № 0223.9,5 b.t.o’quv  qo’llanmasi, 2011 yilda Psixologik maslahat.     –T.:  Fan va texnologiyalar markazining bosmaxonasi. 2009.  14,25 b.t. Vazirlik grifi.: 2009.27.10. 373-189 o‘quv qo‘llanmasi, 2014-yilda Psixologik xizmat elektron darsligi faxrli 2, 3 o‘rinlarni egalladi. Olimaning shogirdlari bilan tayyorlagan o‘quv  adabiyotlar respublikaning barcha pedagogika va psixologiya  ta’lim yo‘nalishlari talabalari tomonidan sevib mutolaa qilinmoqda. 2016- yilda Xalqaro  psixologlar asosisyasiyasi  tomonidan Z.Nishanovaga  akademik  unvoni  berilgan.



Z.Nishanova turli xalqaro konferensiyalar ishtirokchisi va tashkilotchisidir. Ulardan biri sifatida 2021-yil 24-noyabrda tashkil etilgan “Jamiyatning barqaror ijtimoiy-iqtisodiy rivojlanish yillarida zamonaviy shaxs  rivojlanishining psixologik xusussiyatlari” mavzusidagi xalqaro konferensiyani  keltirish mumkin.



2017 va 2021-yillarda olimaning “Bu  dunyo harakat uchun….” nomli memuar kitobi nashr etildi. Kitob motivatsion xarakterga  ega  bo’lib, inson  harakat  qilsa  barcha  maqsadlariga  erishsa  bo’ladi, degan  g’oya  bilan  sug’orilgan.